Opleidingsinstituut Rechtshandhaving & Veiligheidszorg (ORV) a entregá diploma na 13 studiante ku a pasa e opleiding ‘Buitengewoon Agent van Politie’ ku éksito. ORV a entregá e diplomanan durante di e seremonia di entrega di diploma Basis Opleiding Kustwacht (BOK), organisá pa Kustwacht djabièrnè 8 di òktober 2021 na Marine Basis Parera. Durante e seremonia menshoná direktor di ORV sra. Falbru, a dirigí palabra na kursista- i presentenan.

BUITENGEWOON AGENT VAN POLITIE

E opleiding ta kapasitá e trahadó di e servisio menshoná ku ta traha den seguridat i órden públiko pa loke ta trata area di trabou di e servisio. E studiante ta alsa nan nivel di investigashon i trahamentu di proses-verbal despues ku nan a terminá e estudio. E funshonarionan a risibí lès den e materianan Inleiding Recht, Strafrecht, Strafvordering, Staatsrecht, Profesionele Gespreksvoering, Beroepsethiek, Rapporteren, Praktisch Optreden, Ambts en Geweldsinstructie, Proces-verbaal, i otro materianan den kuadro di e trabou ku e grupo menshoná ta traha. E funshonario mester hasi trabounan di kontròl, ordén públiko i investigashon pa por kompletá e materia, práktika (Beroepspraktijk Vorming).